Plantun de Prouvènço

Pèr coumpara dos planto d'encò nostre

Reichardia picroides & Aloina ambigua

Coustelino

Reichardia picroides

Asteraceae Compositae

Àutri noum : Costo-counihiero, Couesto-couniho, Couasto-cuhiero, Alacho-lèbre, Lacho-lèbre.

Noms en français : Cousteline, Reichardie.

Descripcioun :
La coustelino es uno planto renadivo en rouseto que flouris subretout à l'autouno. Fai de la à la coupo. Pèr pas s'engana basto de regarda li fueio qu'an de pichòti boulo blanco sus lou dessubre e la formo en casco pouchu pièi en embut di flour un cop seco.

Usanço :
Es uno bono erbo de la cicoureiado vo ensalado champanello. Soun goust es agradiéu, un pau perfuma. La poudès culi tre li pluèio d'autouno en vous avisant de leissa la racino e quàuqui fuèio pèr l'an que vèn.

Port : Erbo
Taio : Pancaro entresigna
Fueio : basalo
Tipe bioulougico : Pancaro entresigna
Cicle bioulougico : Pancaro entresigna

Gènre : Reichardia
Famiho : Asteraceae
Famiho classico : Compositae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Autouno

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Garrigo - Champ
Estànci : Pancaro entresigna
Couroulougi : Pancaro entresigna
Ref. sc. : Reichardia picroides (L.) Roth, 1787

Alouessoun-à-double-entèndre

Aloina ambigua

Pottiaceae

Nom en français : Alouine ambigüe.

Descripcioun :
Aquelo mousso coumuno trachis en gazoun dense verd o un pau jauno. Se recounèis à si fueio espesso, en lanço, emé lou bout redoun (cucula). Fai souvènt d'espouroufite bèn que siegue diouïco e alor acò douno uno coulour pu bruno e rouginello au gazoun. Trachis sus li sòu argielous e sablous souvènt proche d'oustau.

Usanço :
Es proche d'àutri meno dóu meme gènre. Se destrìo de Aloina aloides que trachis dins li mémi relarg, pamens se n'en destrìo bonodi la membrano dóu peristome que sort de l'urno (se vèi pas pèr A. aloides), e peréu emé soun bout de fueio redoun (pounchu pèr A. aloides) e sis espouroufite mai dre (clina pèr A. aloides).